2014 Osaka Pre Wedding 前奏

終於見哂所有Osaka Pre Wedding 客人，最後一對都係琴日傾好哂所有Rundown及時間，下次再與客人見面就要係日本見啦！今年處理Oversea Pre Wedding既事情比往年多好多，往年客人所Book 係 Individual Pack，係幾日行程及住宿上客人已經心目中有想拍攝既地點，我地只係提供少少意見就OK。今年客人所訂既係Schedule Pack，會係一段日子內與幾對不同客人進行1-2天拍攝，所以係自己住宿以及客人的行程、住宿及車程上都要配合得好好，因為每對客人只有1-2天拍攝時間，所以盡量要服裝上得到適當既配搭，另外車程上亦都要避免走回頭路，免浪費寶貴時間。同時，處理完客人安排後，就到自己的安排，因為我地每去一個地方拍攝後都會搵幾日空檔時間出黎自己揸車去搵更多新既拍攝地方，有時甚至要麻煩當地朋友提供更多資料比我地，目的都係想有更多新鮮既景物，唔好影來影去都係一式一樣，令下次到當地拍攝既客人有更多新既選擇。
琴晚有朋友同我講 "做攝影師仲辛苦過以前份工，一時化身Travel Consultant，一陣就變做攝影師，跟住又變做司機，有時仲要做埋外賣仔，資料搜集都做埋，一個人做幾份工，晚晚搞到3、4點先訓，攝影師D錢真係難搵，呢D先係辛苦錢。"
我答返佢 "無計，我Enjoy."